Cari hesablar

Nəzərinizə çatdırırıq ki, bütün bank əməliyyatları Azərbaycan vətəndaşının şəxsiyyət vəsiqəsi və ya xarici pasport (yalnız qeyri-rezidentlər üçün) əsasında həyata keçirilir. Sürücülük vəsiqələri və ya xidməti vəsiqələr şəxsiyyəti təsdiq edən sənədlər hesab olunmur.

Cari hesab müvəqqəti sərbəst pul vəsaitlərinin yerləşdirilməsi və ölkə daxilində, eləcə də xaricində pul köçürmələrinin həyata keçirilməsi üçün sərfəlidir .
Hesab açdırmaq üçün Sizdən şəxsiyyəti təsdiq edən sənədin təqdim edilməsi və zəruri sənədlərin doldurmasi tələb olunur.
Biz hesabda olan vəsaitlərdən istifadə edərək, müxtəlif nağdsız hesablaşma növlərini yerinə yetirməyə, eləcə də əmanətdəki vəsaitlərin qalığı həcmində nağd vəsaitin istənilən vaxt və istənilən miqdarda hesabdan çıxarılmasına şərait yaradacağıq.
Pul vəsaitləri istənilən vaxt və istənilən məbləğdə nağd, yaxud nağdsız yolla hesaba daxil edilə bilər.
Əməliyyatların yerinə yetirilməsi ilə əlaqədar komissiyalar “Xalq Bank”ın komissiya haqqları üçün müəyyən olunmuş Tariflərə əsasən tutulur.
Siz istənilən notarial kontorunda cari hesabınızdan qismən və ya tam istifadə etmək hüquqlarını təmin etməklə, hər hansı fiziki şəxsin xeyrinə etibarnamə tərtib edə bilərsiniz.

Hesabın açılmasına və hesaba xidmət göstərilməsinə əsas şərtlər:

•  Hesaba ilkin mədaxil– məhdudiyyətsiz;
•  Hesabın minimal qalığı – məhdudiyyətsiz;
•  Hesabın valyutaları – Azərbaycan manatı, ABŞ dolları, Avro, Rusiya rublu, Böyük Britaniya funt sterlinqi.

Xaricə pul köçürmələri Azərbaycan Respublikası rezidentlərinin və qeyri-rezidentlərinin valyuta əməliyyatları üzrə Qaydalara uyğun olaraq həyata keçirilir.