Xalq Bankın Xaçmaz şəhərində yerləşən filialı fəaliyyətə başladı. Şəhərin mərkəzində müasir ikimərtəbəli binada yerləşən “Xaçmaz” filialı sayca Bankın səkkizinci regional filialdır.
Filialda müştərilər əmanətlər, müxtəlif növ kreditlər, hesablaşma-kassa əməliyyatları, təcili pul köçürmələri, valyuta dəyişmə əməliyyatları, plastik kartlarla əməliyyatlar və digər bu kimi bank məhsullarından və xidmətlərdən faydalana bilərlər.
Hal-hazırda Xalq Bankın Bakıda və regionlarda 11 filialı və 2 şöbəsi müştərilərə xidmət göstərir. İlin sonuna qədər daha bir neçə yeni filialın açılması planlaşdırılır.
