İpoteka kreditinin alınması üçün tələb olunan sənədlər:

• Borcalanın (birgə Borcalanın) şəxsiyyətini təsdiq edən sənəd (sənədin surəti);
• Nikahın bağlanması (və ya boşanma) barədə şəhadətnamə (sənədin surəti);
• Borcalanla (birgə Borcalanla) birgə yaşayan yetkinlik yaşına çatmış ailə üzvlərinin şəxsiyyətini təsdiq edən sənədlər (sənədlərin surətləri);
• Borcalanın (birgə borcalanın) yetkinlik yaşına çatmamış ailə üzvlərinin şəxsiyyət vəsiqələri və ya doğum haqqında şəhadətnamələri (sənədlərin surətləri);
• Borcalanın (birgə borcalanın) əmək müqaviləsi və ya onun iş yerinin kadrlar şöbəsi tərəfindən təsdiq edilmiş əmək kitabçasının surəti;
• Borcalanın (birgə borcalanın) gəlirlərini təsdiq edən sənədlər (əsas və əgər varsa əlavə iş yerindən arayış və s.);
• İpoteka predmetinin qiymətləndirmə aktı.

Borcalan fərdi sahibkar olduqda əlavə olaraq təqdim olunmalı sənədlər:

• Sahibkarın vergi orqanlarında qeydiyyatdan keçməsi haqqında şəhadətnamə (surəti);
• Vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi. 

İpoteka kreditinin rəsmiləşdirilməsi üçün tələb olunan sənədlər:

• İpoteka qoyulan yaşayış sahəsi üzrə mülkiyyət hüququnu təsdiq edən sənəd (dövlət reyestrindən çıxarış) və texniki pasport (tələb olunduqda);
• İpoteka qoyulan yaşayış sahəsi üzrə qeydiyyatda olanlar haqda arayış;
• İpoteka predmetinin ipotekaya qoyulmasına və məhkəmədən kənar qaydada satılmasına dair ərin/arvadın, ipoteka predmetində qeydiyyatda olan digər yetkinlik yaşına çatmış ailə üzvlərinin notarial orqanlarına təqdim olunan razılığın surəti. İpoteka predmetinin mülkiyyətçisi yetkinlik yaşına çatmamış şəxs olduqda, onun maraqları çərşivəsində səlahiyyətli qəyyumluq və himayəçilik orqanlarının razılığının surəti.

İpotekanın rəsmiləşdirilməsindən sonra təqdim olunmalı sənədlər:

• İpoteka müqaviləsinin (Qarışıq müqavilə) və ipoteka kağızının əsli və onların dövlət qeydiyyatından keçməsini təsdiqləyən sənədlər;
• Borcalanın həyatının ölüm halından və əmək qabiliyyətinin itirilməsindən sığortalanmasını, eləcə də ipoteka predmetinin sığortalanmasını və sığorta ödənişlərinin ödənildiyini təsdiqləyən sənədlər;
• Alınmış yaşayış sahəsinin alqı-satqı müqaviləsinin surəti;
• Yaşayış sahəsinin satıcısının (fiziki şəxslər üçün) şəxsiyyətini təsdiq edən sənədin surəti.
   

Qeyd: Təqdim olunan sənədlərin surətləri notarial qaydada təsdiqlənməlidir.

Kreditin təmin olunması ilə bağlı qərar qəbul etmək üçün Bank əlavə məlumat, eləcə də bu məlumatı təsdiq edən zəruri sənədləri tələb etmək hüququna malikdir.